Datorren abenduaren 11n, 18:30etan, Elkargoko Fundazioak antolatzen duen eta soilik medikuentzako den lehen Adituekin Solasaldia izango da Gipuzkoako Sendagileen Elkargo Ofizialean.
Lehenengo solasaldi honek Medikuentzako sare sozialak: Erabilerak eta arriskuak. Kode Deontologikoaren errespetua gaia jorratuko du, eta Iñigo Aduriz, Gipuzkoako Sendagileen Elkargoko Komunikazio arduradunak emango du, gazteleraz. Hau izango da hitzaldiaren eskema:
1.- Sare sozialetara sarrera.
- Zer dira eta zertarako balio dute. Sare sozialetan ematen den informazioaren ezaugarriak.
- Sare sozialak medikuntzan.
2.- Masa-sare sozialak: Facebook eta Twitter.
- Txio, Txiokatu eta Bertxiokatu kontzeptuak.
- Twitter-en erabilerak eta ezaugarriak.
- Facebook-en erabilerak eta ezaugarriak.
- Medikuaren lan eta bizitzarako Twitter eta Facebooken erabilerak.
- Erabilera profesional eta pertsonalen adibide batzuk.
3.- Sare sozial profesionalak.
- Ippok-en erabilerak eta ezaugarriak.
- Linkedin-en erabilera eta ezaugarriak.
- Beste sare sozial batzuk.
4.- Sare sozialetan hedatutako informazio medikoaren inguruko erantzunkizuna.
- Sare sozialen bidez informatzean ezinbestean bete behar diren irizpideak.
- Zuhurtasuna eta tentua.
5.- Konfidentzialtasuna eta sekretu medikoarekiko errespetua.
- Prebentzio-neurriak.
- Arau- eta lege-eremua.
6.- Pazienteek sare sozialen bidez egindako kontsulten inguruan.
- Kontsulta ezagun batek egiten badu.
- Kontsulta ezezagun batek egiten badu.
- Beste profesional baten kontsulta hirugarren bati buruz.
- Blog pertsonalen bidezko kontsultak.
7.- Medikuaren irudiaren zainketa sare sozialetan.
- Balio sozialen errespetua.
- Nortasun profesionala.